Concurso de recollida de pilas e acumuladores en centros escolares

Pilabot é un robot que foi creado para cumprir unha misión: protexer o medio ambiente minimizando a contaminación xerada polos residuos de pilas. Fabricárono co obxectivo de realizar unha recollida selectiva de pilas, pero o seu traballo está a complicarse. A xente cada vez usa máis aparellos electrónicos e con eles, máis pilas, baterías, cargadores… Pilabot ten que cumplir coa súa misión, polo que solicita axuda ás novas xeracións a través dun concurso para centros educativos: o que máis pilas recolla, terá premio.

Poderán participar no Concurso Pilabot ata 150 centros educativos de educación primaria e secundaria de toda a comunidade autónoma galega, tanto públicos coma privados, concertados ou non concertados. Polo tanto, o público obxectivo do concurso Pilabot é a mocidade galega de 6 a 16 anos.

A  través desta páxina web os centros escolares poderán inscribirse para participar no Concurso Pilabot.

Unha vez confirmada a súa participación, os centros recibirán os contedores para depositar as pilas usadas de forma colectiva, xunto con material promocional da campaña e caixas para que os alumnos garden as pilas que xa non usan nos seus fogares. Despois, levarán as pilas ata o centro e as depositarán no contedor.

Os dous centros que máis quilos de pilas recollan en total e os dous que máis quilos recollan por alumno obterán un premio para a compra de material escolar.

Os centros educativos participantes poderán optar a catro premios para a compra de material escolar, deportivo ou para a realización de actividades educativas.